Jo vetëm bregdetin, shqiptarët e Kosovës zgjedhin edhe liqenin e Kukësit për pushime

Shqiptarët e Kosovës po zgjedhin Shqipërinë për pushime jo vetëm për bregdetin, por edhe për aventura në natyrë.

Në liqenin e Kukësit, grupe të apasionuarish pas peshkimit udhëtojnë gjatë fundjavave për të kaluar kohë pranë ujit. Disa prej tyre vendosin edhe çadrat, duke qëndruar gjatë natës në një atmosferë të qetë pranë liqenit, shkruan abcnewsal.

Për peshkatarët amatorë, kjo është një mënyrë për të shijuar natyrën dhe për të realizuar një aventurë që, siç thonë, vite më parë u dukej vetëm një ëndërr.

Liqeni i Kukësit konsiderohet një nga ujëmbledhësit me potencial të konsiderueshëm për peshkim, ndërsa një menaxhim më i mirë i vijës liqenore do të mund ta rriste edhe më tej këtë potencial.