Bekim Jashari, sot e uroi ditën e Forcës, shkruan DEMOS.
Ai deklaroi se “Ushtria e Kosovës sot, nesër dhe përgjithmonë mbetet garancia ekzistenciale e shtetit tonë”.
“Komandant,
Sot ushtria për të cilën ti ke ëndërruar qysh para shumë dekadave po e mbron shtetin që e le amanet.
Ushtarët e rinj po na bëjnë krenarë kudo, duke qëndruar krah ushtrive të vendeve demokratike dhe duke shërbyer për paqe në botë.
FSK-ja sot është aleate e atyre shteteve tona mike që dikur luftuan krah UÇK-së.
Komandant,
Këngët që i kënduat bashkë me babushin në momentin e rënies sot i këndojnë djemtë e rinj të ushtrisë sonë pikërisht në ditëlindjen tënde dhe të flamurit tonë kombëtar.
Ushtria e Kosovës sot, nesër dhe përgjithmonë mbetet garancia ekzistenciale e shtetit tonë dhe amaneti yt i gjallë.
Urime Dita e Forcës së Sigurisë së Kosovës!”, shkroi ai.
