Kryetari i Komunës së Istogut, Ilir Ferati, ka zhvilluar një takim me banorët e fshatit Prigodë, ku i është bashkuar edhe Shefqeti, një nga bashkëpunëtorët e tij të afërt.
Takimi është mbajtur në shtëpinë e fshatit – një objekt i ndërtuar me mbështetjen e komunës dhe pjesë e investimeve të realizuara në këtë zonë.
Përmes një postimi në rrjetet sociale, Ferati ka theksuar se këto takime janë më shumë se biseda: ato janë plane të përbashkëta që shndërrohen në punë konkrete në terren.
“Takimin e mbajtëm në shtëpinë e fshatit, njërin prej investimeve tona në këtë zonë, çka dëshmon se jemi pranë qytetarëve në çdo kohë. Takimet, diskutimet dhe planet tona të përbashkëta i shndërrojmë në punë të dukshme,” ka shkruar Ferati.
