Ilir Ferati në Kovragë: Festa e Mollës, krenari dhe traditë e Istogut

Në fshatin Kovragë të Istogut u mbajt edhe këtë vit Festa e Mollës, një ngjarje që tashmë është kthyer në traditë dhe krenari për të gjithë komunën.

Kryetari i Istogut, Ilir Ferati, mori pjesë në këtë aktivitet dhe vlerësoi përkushtimin e banorëve të Kovragës, të cilët me punën e tyre të palodhshme kanë bërë që ky fshat të njihet për sasi dhe cilësi të lartë të prodhimeve.

Postimi i tij:

🍏🍎Festa e mollës, festa e punës në Istog!

Edhe këtë vit festojmë Ditën e Mollës në Kovragë, aty ku molla është traditë dhe krenari për Istogun, duke na dalluar për sasi e cilësi.

Përkushtimi dhe puna e palodhur e banorëve të këtij fshati janë pasuri e madhe për gjithë komunën. Ju falënderoj nga zemra dhe uroj që këtë festë ta gëzojmë edhe për shumë vite së bashku.

Ne do të vazhdojmë të jemi krah jush, krah njerëzve punëtorë të Kovragës.

I juaji, Iliri