Idrizi konfirmon se u kërcenua nga Meholli i VV-së: Gara për Vushtrrinë duhet të mbetet garë idesh jo kërcënimesh

Kryetari i Vushtrrisë Ferit Idirizi ka konfirmuar se është kërcënuar nga kandidati tjetër, shkruan DEMOS.

“Bashkë me dëshmitarët tjerë, sapo kemi dhënë dëshminë në stacionin e policisë në Prishtinë. Rasti është në trajtim nga institucionet përkatëse”, shkroi Idrizi.

I plotë:

Mirëmbrëma qytetarë të Vushtrrisë, miq dhe përkrahës.

Pas debatit të sotëm në RTV Dukagjini me Jeta Xharrën, kam qenë objekt i një kërcënimi nga kandidati tjetër.

Bashkë me dëshmitarët tjerë, sapo kemi dhënë dëshminë në stacionin e policisë në Prishtinë. Rasti është në trajtim nga institucionet përkatëse.

E dënoj këtë akt dhe ju kërkoj ndjesë për shqetësimin. Gara për Vushtrrinë duhet të mbetet garë idesh dhe projektesh, jo kërcënimesh.

Unë do të vazhdoj të përfaqësoj secilin qytetar me përgjegjësi dhe dinjitet.

Faleminderit nga zemra për secilën thirrje dhe mesazh!