Një person ka vdekur e një tjetër ka mbetur i lënduar si pasojë e aksidentit të rëndë në fshatin Bllagajë të komunës së Pejës, sot rreth orës 14:00, raporton GazetaDemos.
Siç mësoi Demos nga burimet e veta, viktima e këtij rasti mbeti i riu E. K, vëllai i këngëtarit të njohur, Gjesti.
Demos gjithashtu merr vesh nga burimet e veta brenda Spitalit Rajonal të Pejës, se i lënduari tjetër nga ky rast është operuar, dhe se i njëjti momentalisht është në gjendje stabile.
Të njëjtat burime konfirmojnë se personi në fjalë është një 13-vjeçar.
Për rastin Policia e Kosovës ka lëshuar një komunikatë ku njofton për detajet që çuan deri te tragjedia, ku thuhet:
Humb jetën një person dhe lëndohet rendë një tjetër në aksident trafiku
Pejë, 26 shtator 2025
Ju informojmë se me datë 26 shtator 2025, rreth orës 14:05, Policia është informuar për një aksident trafiku i cili ka ndodhur në fshatin Treboviq-Pejё.
Nё vendin e ngjarjёs kanё dalё njёsitet kompetente tё Njesitit Rajonal tё Komunikacionit Rrugor (NJRKRR).
Në këtë aksident ishin të përfshira një vetur dhe një motoçiklet.
Deri te aksidenti dyshohet se ka ardhur, deri sa drejtuesi i motoçikletes pasi humb kontrollin në një kthesë ( i dyshuar) gjatë përball kalimit kalon në shiritin e kundërt të rrugës me ç’rast e godet veturën e cila ishte duke lëvizur në drejtim të kundërt.
Si pasojё e kёtij aksidenti njё person ka ndёrruar jetё nё vendin e ngjarjёs, vdekjen e sё cilit e ka konstatuar ekipi mjekёsor, ndёsa personi i lënduar është dёrguar mё autoambulancё nё spitalin rajonal nё Pejё, ku është duke u trajtuar.
Me urdhër të Prokurorit shtetit trupi i pa jetë i viktimës dërgohet në Institutin e Mjekësisë Ligjore në Prishtinë, për Obduksion.
