Vëllai dhe nipi i Halil Thaçit, kryetarit të Obiliqit nga Vetëvendosje janë dërguar në paraburgim pasi dyshohet se kanë sulmuar mbrëmë një qytetar në fshatin Baimofc.
Dalip Berisha, prindi i 18 vjeçarit që u sulmua ka treguar se djali i tij sapo i ka mbushur 18 vjet dhe vitin e kaluar ai kishte pasur një ngacmim me djalin e vëllait të Halil Thaçit.
“Djali sapo i ka mbushur 18 vjet ka qenë i mitur në shkollë janë ngacmuar me djalin e vëllaut të Halil Thaçit, djali im i ka ra i ka një vit kjo punë. I kam dërguar njerzë si ne shqiptarët që e kemi zakon se më ka ardhur keq se kojshi këtu. Unë punoj saldues dhe kam punuar në shtëpinë e tyre. Me pas ditë se kish pasur rrugë nuk kisha ardh deri këtu. Djali i ka bërë 18 vjet kush nuk ka trokitë për të, punon si call center nga shtëpia, është i sjellshëm”.