Nënkryetari i Lidhjes Demokratike të Kosovës, Lutfi Haziri, ka bërë thirrje për bashkëpunim partiak dhe institucional, duke theksuar se një marrëveshje gjithëpërfshirëse për formimin e institucioneve duhet t’i japë fund krizës politike në vend dhe të rikthejë stabilitetin.
Në një postim në Facebook, Haziri tha se Kosova ka nevojë për një agjendë të qartë politike, teksa vendi ndodhet në javën e dytë pas zgjedhjeve të 7 qershorit.
Bashkëpunimi partiak e institucional është udha e vetme për ta thyer rrethin vicioz që po e lodh Republikën!
“Kosova sot ka nevojë për agjendë të zbardhur kur jemi në fund të javës së dytë pas zgjedhjeve të 7 qershorit. Cilido opsion që arrin marrveshjen gjithëpërfashirëse, programin zhvillimor dhe agjendën strategjike duhet ta ketë në qendër të saj, ndërkaq skenari i ndarjes së përgjegjesive institicionale vjen në fund. Bashkëpunimi partiak e institucional është udha e vetme për ta thyer rrethin vicioz, për t’i dhënë fund krizave politike, që nënkupton kthimin e stabilitetit”, shkroi ai. Haziri ka theksuar se roli i Kosovës si faktor stabiliteti në rajon varet drejtpërdrejt nga stabiliteti i brendshëm politik dhe bashkëpunimi ndërmjet forcave politike në vend.