Haxhiu takohet me Prattipatin, flasin për zhvillimet e fundit politike

Kryetarja e Kuvendit, Albulena Haxhiu, ka pritur sot në takim të Ngarkuarën me Punë në Ambasadën e SHBA-ve, Anu Prattipati.

Në njoftimin e Kuvendit thuhet se gjatë takimit u diskutua për zhvillimet e fundit politike në vend e prioritetet e Kuvendit.

“Kryetarja e Kuvendit të Republikës së Kosovës, Albulena Haxhiu, priti sot në takim të Ngarkuarën me Punë në Ambasadën e Shteteve të Bashkuara në Kosovë, Anu Prattipati. Gjatë takimit, u diskutuan zhvillimet e fundit politike në vend, prioritetet e Kuvendit, si dhe bashkëpunimi i vazhdueshëm në mbështetje të proceseve demokratike në vend”, thuhet në njoftim.

Haxhiu ka deklaruar sot se seanca për zgjedhjen e presidentit, do të vazhdojë kur të krijohen kushtet. Ajo ka thënë se po bën përpjekje që të arrihet konsensus mes partive për këtë çështje.

Sipas Haxhiut, nuk ka nevojë për zgjedhje të reja.