Hasani e çon në Polici kreun e Këshillit të Etikës së UP-së, e akuzon se falsifikoi procesverbalin ku u mor vendimi për vërejtjen me shkrim

Ish-kreu i Gjykatës Kushtetuese, profesori universitar, Enver Hasani, ka thënë në një intervistë për KP se ka bërë kallëzim penal në polici ndaj kryetarit të Këshillit të Etikës të Universitetit të Prishtinës, Flamur Hysenit.

Hasani thotë se Hyseni e ka falsifikuar procesverbalin e mbledhjes së Këshillit të Etikës dhe e ka shkruar vendimin bashkë me një kolege tjetër, ashtu siç kanë dashur vetë, meqë një nga anëtarët e ka lëshuar mbledhjen dhe dy të tjerë kanë kundërshtuar,

“Sot kam bërë kallëzim penal ndaj kryetarit të Këshillit të Etikës, Flamur Hysenit. Thash në polici që është aktivitet i strukturuar kriminal i katër pesë vetave”, ka thënë Hasani.

“ Flamuri i ka falsifiku procesverbalin e Këshillit të Etikës, e ka shkru një vendim qysh ka dashtë vet, pa i pasë 5 vet. Njëri ka dalë jashtë se ka pas konflikt interesi, dy të tjerë e kanë kontestu, e flamuri bashkë me asistenten e z. Puka e kanë shkru sic kanë dashtë vendimin, që është i njëjtë siç a ka bërë Eset Morina”, ka thënë Hasani.

Këshilli i Etikës i Universitetit të Prishtinës ka marrë vendim që profesorit të Fakultetit Juridik, Enver Hasani, t’i shqiptojë vërejtje me shkrim dhe mohim të përfshirjes në mentorim në të gjitha nivelet për një vit vijues. Vendimi finla i përket Senatit lidhur me këtë.