Kreu i AAK-së, Ramush Haradinaj, ka prezantuar kandidaturën e analistit Burim Ramadani për deputet nga radhët e Aleancës për Ardhmërinë e Kosovës.
Përmes një njoftimi në Facebook, Haradinaj ka bërë të ditur se Burim Ramadani do të garojë për deputet të Kuvendit të Kosovës në listën e AAK-së.
Haradinaj ka mirëpritur kandidimin e tij, duke e cilësuar si një nevojë për Kosovën.
Haradinaj e ka cilësuar Ramadanin si “mendje të kthjellët që punon për sigurinë e shtetit” dhe si një ndër profesionistët më të përgatitur që ai njeh. Sipas tij, integriteti dhe përvoja e Ramadanit e bëjnë atë “një vlerë të veçantë për Kosovën”.
