Haradinaj për Engel: Ikonë e miqësisë me SHBA’në, kontributi i tij është historik dhe i pazëvendësueshëm

Kryetari i Aleancës për Ardhmërinë e Kosovës, Ramush Haradinaj, ka thënë se shqiptarët do të jenë përgjithmonë mirënjohjes për kontributin e ish-kongresmenit, Eliot Engel, i cili vdiq sot.

Haradinaj ka thënë, se kontributi i Engel është historik dhe i pazëvendësueshëm për lirinë dhe pavarësinë e Kosovës dhe ai do të kujtohet gjithmonë si ikonë e miqësisë së përjetshme me SHBA-në.

Postimi:

Miku i madh i shqiptarëve, kongresisti Eliot Engel, gjatë gjithë angazhimit të tij jetësor, u përkushtua ndaj çështjes së Kosovës dhe të shqiptarëve.

Shqiptarët do të jenë gjithmonë mirënjohës për kontributin e tij historik dhe të pazëvendësueshëm për lirinë dhe pavarësinë e Kosovës dhe ai do të kujtohet gjithmonë si ikonë e miqësisë së përjetshme me SHBA-në.

Ngushëllimet më të sinqerta familjes Engel, bashkëpunëtorëve dhe komunitetit shqiptaro-amerikan.

U prehtë në paqe!