Nasim Haradinaj është deklaruar lidhur me vendimin e fundit nga Apeli i Speciales, ku “Ujkut të UÇK-së”, Pjetër Shalës iu ulë dënimi nga 18 vjet në 13 vjet, raporton GazetaDemos.
Ai krejt këtë vendim ka thënë se e sheh si veprim për ta kthyer besimin e qytetarëve të Kosovës drejt Dhomave të Specializuara.
“Në krye të Gjykatës Themelore të shkallës së parë, e kemi Trëndafilovën presidente, edhe në krye të apelit, e të Supremes. Prandaj, kanë vendos të bëjnë në emër të drejtësisë diçka, e që për mua janë një grup kriminal ekonomik e politik”, tha Haradinaj.
“Qellim e kanë relativizimin e Millosheviqit, të gjitha luftave të tij, me luftën në Kosovë. E gjithë kjo bëhët sepse kjo Gjykatë nuk ka kurrfarë monitorimi. Ata janë duke e matur opiononin se si do të reagojë masa nëse këta njerëz dënohen. Dhe unë mendoj që Kosova duhet me tregu një opinion dhe kështu do t’i ketë. Unë jam i sigurtë që kështu do t’i ndodh Evropës, le që nuk do të ketë Kosovë, por të garantojë që nuk do të ketë as Maqedoni. Prandaj, këta duhet me mendu mirë se çka dojnë më bë”, tha Haradinaj në Klan.
