Daut Haradinaj nga Aleanca ka kritikuar kryeministrin në detyrë, Albin Kurti, lidhur me situatën politike në vend dhe mosvazhdimin e seancës së Kuvendit.
Haradinaj në “Jehona Politike” ka thënë se Kurti, sipas tij, po kërkon një “viktimë” apo “shkaktar” për situatën aktuale, në mënyrë që përgjegjësinë për krizën politike ta bartë te të tjerët.
“Ai bën hajgare tash, me kë mundet, se është humorist i mirë, bile shumë i ngjason atij Mister Binit. Ai e di saktësisht pse nuk e thërret seancën. Ajo kohë ka ikur, ka marrë kohë për ta çuar vendin në zgjedhje. Ai po kërkon një viktimë, një shkaktar, që të dalë para opinionit publik e të thotë: ‘Për shkak të kësaj…’. Mua më vjen keq pse LDK-ja po hyn në këtë kurth”, tha Haradinaj.
Ai e akuzoi Kurtin se gjatë qeverisjes së tij vendi është përballur vazhdimisht me kriza politike.
