Kryetari i Aleanca për Ardhmërinë e Kosovës, Ramush Haradinaj, ka reaguar lidhur me kundërshtimet e banorëve të Rugovës ndaj vendimit për ndalimin e transportit të materialit ndërtimor në Bjeshkët e Nemuna, duke u dalë në mbështetje kërkesave të tyre.
Haradinaj e ka cilësuar si absurd këtë vendim, duke theksuar se mbrojtja e natyrës nuk duhet të bëhet duke dëmtuar jetën dhe zhvillimin e banorëve të asaj zone.
“Qëndroj në mbështetje të plotë të kërkesave të drejta të banorëve të Rugovës, të cilët me të drejtë po kundërshtojnë vendimin absurd për ndalimin e transportit të materialit ndërtimor në Bjeshkët e Nemuna.