Hamza për Kurtin: Le të harrojë të kontestojë vendimmarrjen time – po shihet se është në panik

Kryetari i PDK-së, Bedri Hamza, ka thënë se kryeministri në detyrë, Albin Kurti, po shihet se tashmë është në panik.

Ai ka theksuar se administrata dhe institucionet nuk mund të ndahet sipas bindjeve politike, duke potencuar luralizmin në Kosovë.

“Ende ka në administratë njerëz të PDK-së, në drejtësi dhe në institucione të tjera, madje edhe në media [sipas Kurtit]. Kjo tregon se njerëzit kanë të drejtë të ruajnë bindjet e tyre politike dhe të votojnë sipas tyre. Kurrë në karrierën time nuk ka lëvizur askush prej pozitës për shkak të bindjeve politike.”

Hamza u shpreh gjithashtu se mënyra e vendimmarrjes së tij është e konsultuar dhe analizuese.

“Nuk jam autoritar, nuk jam autokrat, por jam vendimmarrës dhe kjo është dëshmuar gjatë gjithë karrierës sime politike. Kam punuar me kryeministra dhe kryetarë të ndryshëm dhe gjithmonë kam respektuar vijën institucionale”.

Duke komentuar deklarimet e Kurtit, Hamza tha me ironi se “po shihet se është në panik, sepse po i sheh trendet dhe kur fillon me zbrit shkallëve, atëherë mundet që të përshpejtojë pak edhe zbritja”