Përparim Gruda i PDK-së ka komentuar raportet mes kryeministrit në detyrë Albin Kurti dhe ish-presidentes Vjosa Osmani, duke thënë se përplasja mes tyre nuk buron nga problemet e qytetarëve.
Në një paraqitje në “Debat Plus”, Gruda tha se Kurti dhe Osmani nuk janë ndarë politikisht për çështje si pagat, çmimi i energjisë, Asociacioni apo sanksionet e Bashkimit Evropian ndaj Kosovës.
Sipas tij, tensionet mes tyre kanë nisur në momentin kur është vënë në pikëpyetje ndarja e pushtetit.
“Ka rëndësi të thuhet, se Vjosa Osmani dhe Albin Kurtit nuk janë prishur sepse nuk janë rritur rrogat, nuk janë prishur sepse nuk është liruar çmimi i energjisë elektrike, nuk janë prishur kur ka ardhur drafti më i keq i Asociacionit, nuk janë prishur kur jemi vendosur në sanksione nga BE-ja. Janë prishur në një moment kur ka ardhur çështja e karriges e pushtetit, njëri e do Albin Kurti krejt pushtetin edhe atë për vete edhe Vjosa Osmani e do edhe një mandat. Pra qytetarët duhet ta dijnë që prishja midis tyre dhe garimi i tyre kundër njëri tjetrit nuk është për asnjë interes të qytetarëve është thjesht dhe vetëm për arsye të pushtetit”, ka deklaruar ai
