Gola, Shala e Çitaku, këta janë të propozuar për nënkryetarë të Kuvendit

Grupet parlamentare kanë propozuar kandidatët e tyre për postet e nënkryetarëve të Kuvendit të Kosovës.

Nga Lëvizja Vetëvendosje është propozuar deputeti Ardian Gola.

Në emër të Partisë Demokratike të Kosovës, grupi parlamentar ka propozuar Vlora Çitakun për nënkryetare të Kuvendit.

Ndërkaq, Lidhja Demokratike e Kosovës ka propozuar deputetin Kujtim Shalën për postin e nënkryetarit të Kuvendit.

Propozimet pritet të hidhen në votim gjatë vazhdimit të seancës konstituive të Kuvendit.