Deputeti i LDK-së, Arben Gashi i ka reaguar ministrit në detyrë, Nenad Rashiq, i cili kur u pyet sot nga Gazeta Demos, mohoi se ka deklaruar që "shqiptarët janë terrorista".
Arben Gashi ia ka kujtuar Nenad Rashiqit një pjesë ku sipas tij u pat rrëfyer përfaqësuesve të Evropës, e që të pranishëm kanë qenë edhe deputetë tjerë shqiptarë.
Reagimi i plotë:
Rashiq, po ta kushtoj një status të shkurtër.
Krejt çka kam thënë është e vërtetë. Po ta kujtoj një pjesë: vetë ke treguar, në një takim jashtë Kosovës me përfaqësues të organizatave të rëndësishme — nuk po i përmend për hir të konfidencialitetit — për rastin e djalit tënd të mitur dhe lëndimin e dorës së tij. Të thosha se integrimi është i mundur. Më vjen mirë që je bindur se Policia e Kosovës u shërben të gjithë qytetarëve, pa dallim etnie.
Por të përgëzoj që tash e ke kuptuar se ke qenë gabim. Për këto punë ka edhe procesverbale.
