Të shtunën Policia e Kosovës e ka arrestuar një të dyshuar të nacionalitetit serb për pjesëmarrjen e tij në sulmin terrorist në Banjskë në shtator të vitit 2023.
GazetaDemos ka siguruar indentitetin e të dyshuarit për sulm terrorist.
Rasti u konfirmua edhe nga Ministri i Punëve të Brendshme, Xhelal Sveçla, i cili tha se i dyshuari Stefan Raduloviq, i cili ishte në kërkim nga autoritetet.
“Terroristët nuk kanë vend në vendin tonë e as nuk do të mund t’i ikin përgjegjësisë pafundësisht. Sot, u arrestua edhe një terrorist i dyshuar, në kërkim, Stefan Raduloviq në lidhje me rastin e sulmit terrorist në Banjskë të Zveçanit me qëllim aneksimin e veriut”, ka shkruar Sveçla.
Ai ka theksuar se institucionet do të vazhdojnë ndjekjen e të gjithë personave të përfshirë në këtë rast.
“Koha e tolerancës ka përfunduar. Ata do të kapën kudo që hasën. Vazhdojmë pa ndalur për kushtetutshmëri e ligjshmëri”, ka deklaruar ministri.
