Forca të shtuara policore përreth Gjykatës në Lipjan – pas pak seanca nda policëve të dyshuar të vdekjen e Agon Zejnullahut

Një rreshter dhe katër zyrtarë policorë, të dyshuar për vrasjen e 27-vjeçarit Agon Zejnullahu në natën mes 6 dhe 7 korrikut, kanë mbërritur në gjykatë në Lipjan.

Seanca dëgjimore ku pritet të caktohet ose jo masa e paraburgimit ndaj tyre pritet të fillojë, ndërsa jashtë gjykatës po qëndrojnë një numër i madh i mediave.

Prokuroria Themelore në Prishtinë ka kërkuar nga 30 ditë paraburgim për pesë zyrtarët policorë.

Agon Zejnullahu vdiq me pranga në duar në orët e para të së hënës në rrugën “Haradin Bajrami” në Lipjan. Zyrtarët policorë, që u prangosën vetë në mbrëmje, u tha se kishin intervenuar për ta neutralizuar Agon Zejnullahun pasi ai “dyshohej të ishte nën ndikimin e alkoolit, po sulmonte automjete dhe kalimtarë”, sipas Policisë.

Një rreshter dhe katër zyrtarë të tjerë policorë të përfshirë në këtë rast u arrestuan mbrëmë nga Inspektorati Policor i Kosovës ndërsa rasti u cilësua si “vrasje nga pakujdesia”.

Pamje të rënda, të siguruara dhe të transmetuara mbrënë në Pressing në T7 tregojnë policët duke i përdorur edhe gjunjtë për ta neutralizuar të riun.

Disa pamje të tjera, megjithëse të pakontekstualizuara, tregonin të riun që nxirrej nga një veturë dhe shtrihej në asfalt, me të paktën tre zyrtarë policorë mbi të që po përpiqeshin t’ia lidhnin duart.