Forca Ajrore shqiptare dërgon për herë të parë kontingjentin në misionin e KFOR-it në Kosovë

Forca Ajrore e Shqipërisë ka përcjellë për herë të parë kontingjentin e saj për t’u angazhuar në misionin e KFOR-it në Kosovë.

Lajmi është bërë i ditur nga Shefi i Shtabit të Përgjithshëm të Forcave të Armatosura të Shqipërisë, gjenerallejtënant Arben Kingji.

Kingji e cilësoi këtë angazhim si një përgjegjësi të rëndësishme dhe një tjetër dëshmi të kontributit të Shqipërisë dhe Forcave të Armatosura në Aleancën e NATO-s.

“Mision të mbarë dhe shërbim të suksesshëm në çdo detyrë”, uroi Kingji.