Ferati: LDK-së nuk i duhen as “analizat” e VV-së, as “këshillat” e PDK-së – Interesi i tyre është dobësimi i LDK-së

Kryetari i Istogut, Ilir Ferati përmes një postimi në Facebook iu dha përgjigje reagimeve të shumëta nga VV e PDK, për Lidhjen Demokratike të Kosovës dhe zhvillimeve brenda saj, shkruan GazetaDemos.

Ai u shpreh se LDK-së nuk i duhen as analizat e VV-së, as këshillat e PDK-së e as kujdesi i opurtunistëve zgjedhorë.

“Të gjithë, secili në mënyrën e vet, kanë të njëjtin interes: ta shfrytëzojnë, ta dobësojnë dhe ta dëmtojnë LDK-në për llogaritë e tyre politike”, u shpreh Ferati.

Ai shtoi se, veprimet e tyre janë edhe kundër interesit të shtetit.

Postimi i plotë:

LDK-së nuk i duhen as “analizat” e VV-së, as “këshillat” e PDK-së, e as “kujdesi” i oportunistëve zgjedhorë.

Të gjithë, secili në mënyrën e vet, kanë të njëjtin interes: ta shfrytëzojnë, ta dobësojnë dhe ta dëmtojnë LDK-në për llogaritë e tyre politike. E të gjithë këta pa dallim, në thelb po punojnë edhe kundër interesit të shtetit, sepse fati i LDK-së dhe fati i Kosovës ecin bashkë.

LDK