Në Gjykatën Themelore në Prishtinë, në mungesë të të akuzuarve: Faruk Mujka- kryeshef ekzekutiv në Ndërmarrjen Hidro-Ekonomike “Ibër-Lepenc” dhe Hysen Muzliukaj- ish-drejtor për Gjeodezi në Mitrovicë, si dhe mbrojtësve të tyre: avokatëve Xhafer dhe Ahmet Tahiri, ka dështuar të nisë të mërkurën gjykimi për korrupsion.
Kryetarja e trupit gjykues, Violeta Namani-Hajra tha se i akuzuari Mujka nuk është i pranishëm në seancë edhe pse Gjykata ia ka dërguar ftesën për seancën e sotme, por deri tash nuk ka dëshmi që i njëjti e ka pranuar ftesën në mënyrë të rregullt.