Gani Geci ka njoftuar se po vazhdon mbështetja për vëllain e tij, Fadil Gecin i cili është pjesë e listës së LDK-së për deputet.
Geci njoftoi se sot i erdhi mbështetje nga Prishtina, ku u takuan me një grup të rinisë, anëtarë të LDK-së, Arlind Berisha dhe Leart Canolli dhe të tjerët, të cilët i falenderoi për mbështetje.
“Sot, nga Prishtina, në kullën tonë në Llaushë erdhi një grup i rinisë, anëtarë të LDK-së, Arlind Berisha dhe Leart Canolli me shokë, nga të gjitha lagjet e Prishtinës, për ta uruar kandidaturën për deputet të vëllait tonë, Fadil Gecit.
Këta ishin ata që e ndihmuan Përparim Ramën të bëhet kryetar i Prishtinës. Faleminderit nga zemra për mbështetjen që po tregon rinia e Kosovës për familjen Geci dhe Fadil Gecin. Faleminderit për mbështetjen!”, tha ai.
