“Politika e vërtetë bëhet mes njerëzve”, Abdixhiku nga Podujeva falënderon Llapin për pritjen

Kryetari i LDK-së, Lumir Abdixhiku, ka vazhduar takimet në kuadër të iniciativës “Hajde Folim”, kësaj radhe në Podujevë.

Abdixhiku tha se dita nisi në Llap, ku bashkëbisedoi me qytetarët në sheshin e Podujevës, duke marrë pyetje, sugjerime dhe perspektivën e tyre mbi përditshmërinë, shqetësimet dhe pritjet për vendin.

Ai theksoi se takimet e drejtpërdrejta me qytetarët gjatë kësaj parafushate i kanë dhënë “perspektivën më të vlefshme elektorale”, duke shtuar se politika duhet të bëhet me qytetarët dhe për qytetarët.

“Sepse politika e vërtetë nuk bëhet larg njerëzve; por mes tyre. Kur del ballëhapur tyre”, ka shkruar Abdixhiku.