“Ende s’kemi pa asgjë çka kemi me pa”, çka po paralajmëron Abazi?

Ish-zëvendëskryeministri i Kosovës, Haki Abazi, ka kritikuar qasjen politike të Albin Kurtit, duke deklaruar se përçarjet e krijuara brenda shoqërisë kosovare, me diasporën dhe me shqiptarët në rajon, sipas tij, nuk janë të rastësishme.Në emisionin “DPT me Fidanin” në Klan Kosova, Abazi tha se Kosova ende nuk e ka parë se çfarë mund të ndodhë në vend nëse vazhdon, siç e quajti ai, kjo “mendësi politike”.

Sipas tij, konfrontimi politik që, siç pretendon ai, po kërkohet nga Kurti është pjesë e përgatitjes për një përplasje më të madhe.Unë mendoj që hala s’kemi parë çka ka me ndodhë me këtë vend nëse lejohet krejt kjo mendësi politike e cila është instaluar si ide e shpresës se çka është ka bënë me fuqinë politike elektorale, domethënë unë mendoj që këtu konfrontimi të cilin po e kërkon zotëri Kurti është në përgatitje do të thotë gjella e tij për një përplasje më të madhe sepse përçarja e ka një qëllim. Përçarja nuk është qëllim në vetvete. Përçarja që është futur në popull brenda në Kosovë, përçarja me diasporën, përçarja me shqiptarët e Maqedonisë, përçarja me qeverinë e Shqipërisë, e ka qëllimin e vet”, deklaroi Abazi.

Abazi kritikoi gjithashtu mënyrën e funksionimit të institucioneve të Kosovës nën qeverisjen e Kurtit.Unë e kam thënë në mënyrë të vazhdueshme prej momentit të parë kur e kam parë që realisht gjithë jeta institucionale, strukturat institucionale janë vnuar në shërbim të një axhende të cilën Kurti e ka mbajtur të mbyllur për vete dhe çdo herë kur ka ju ka krijuar mundësia i ka shti në përdorim servilët për me zbatu, e kam parë që këtu nuk ka realisht funksionim, nuk ka qëllim për me funksionuar shteti”, tha ai.

Sipas Abazit, institucionet nuk janë përdorur për funksionimin e shtetit, por për zbatimin e një agjende politike.