E rëndë: Sot i jepet lamtumira e fundit policit Kelmendi, i cili ndërroi jetë pas aksidentit në Nabërgjan

Polici dhe veterani i Ushtrisë Çlirimtare të Kosovës, Mehmet Kelmendi, do të varroset sot, pas ndarjes tragjike nga jeta si pasojë e një aksidenti.

I ndjeri Kelmendi ndërroi jetë më 15 korrik 2025, në moshën 65-vjeçare.

Ai ishte pjesëtar i Policisë së Kosovës dhe njëkohësisht veteran i UÇK-së, i njohur për përkushtimin dhe kontributin e tij ndaj atdheut dhe sigurisë publike.

Ceremonia e varrimit do të zhvillohet sot, më 16 korrik 2025 (e mërkurë), në varrezat e fshatit Lutogllavë – Kodër, duke filluar nga ora 17:00.

Nisja e funeralit bëhet nga shtëpia e të ndjerit në ora 16:30.

Si pasojë e këtij aksidenti, ditë më parë ka ndërruar jetë edhe djali i policit të ndjerë, Arbër Kelmendi.