E parkoi Range Roverin në trotuar, Policia në Prishtinë gjobit me 60 euro shoferin

Njësia e Trafikut të Policisë së Kosovës ka shqiptuar një gjobë ndaj një drejtuesi automjeti për parkim të parregullt në një lagje të kryeqytetit.

Sipas njoftimit të Policisë, drejtuesi i automjetit kishte parkuar në trotuar, duke bllokuar hyrjen e banorëve në një objekt banesor dhe duke rrezikuar sigurinë e këmbësorëve dhe pjesëmarrësve në trafik. Ai është gjobitur me 60 euro.

Njësia e Trafikut e Kryeqytetit reagoi menjëherë dhe ndërmorrën veprimet ligjore sipas Ligjit për Rregullat e Trafikut Rrugor, duke shqiptuar gjobën ndaj kundërvajtësit.

Policia e Kosovës apelon te të gjithë qytetarët që të respektojnë rregullat e parkimit dhe të kontribuojnë në sigurinë e qytetit.