Në sheshin “Skënderbeu” në Prishtinë është zhvilluar nata e gjashtë e protestës kundër vendimit të Gjykatës Speciale ndaj ish-krerëve të Ushtrisë Çlirimtare të Kosovës.
Protesta zgjati rreth dy orë, ndërsa gjatë gjithë tubimit u dëgjuan thirrjet “UÇK” dhe “Jo në emrin tim”.
Gjatë protestës u mbajtën disa fjalime, ndërsa pati edhe interpretime të këngëve me tematikë kushtuar luftës çlirimtare të Kosovës.
Në mesin e folësve ishin Çlirim Haziri, organizator i protestës, studenti Bleard Meha, Aida Dërguti, Trim Syla, veteranja Shqipe Krasniqi, si dhe këngëtari Xhafer Ahmetaj.
