Dhomat e Specializuara të Kosovës në Hagë kanë konfirmuar përfundimin e kontratave të Annie O’Reilly dhe Kerrie Ann Rowan si bashkëmbrojtëse të Kadri Veselit, i cili po gjykohet për krime lufte dhe krime kundër njerëzimit.
Sipas një parashtrese të Administratores së Gjykatës drejtuar Trupit Gjykues II, vendimi për ndërprerjen e kontratave të dy bashkëmbrojtëseve u mor nga mbrojtësi i Veselit, Rodney Dixon.
“Më 13 tetor 2026, Dixon e njoftoi shefin e Zyrës së Mbrojtjes për vendimin që kontratat e Annie O’Reilly dhe Kerrie Ann Rowan të ndërpriteshin me efekt të menjëhershëm”, thuhet në dokumentin e Zyrës së Regjistrit.