Autoritetet doganore, në bashkëpunim me Policinë e Kosovës, kanë realizuar një operacion kundër kontrabandës me mallra nga Serbia në fshatin Dumnicë të Podujevës, ku janë sekuestruar 575 mijë copë filtra duhani të futur në mënyrë të paligjshme në territorin e Kosovës.
Rasti ka ndodhur më 11 dhjetor 2025, ndërsa më 15 dhjetor autoritetet kanë arritur të ndalojnë një automjet të ngarkuar me mallra të dyshuara për kontrabandë. Gjatë kontrollit shtesë, në një garazh dhe në një automjet tjetër janë gjetur mallra të fshehura, të cilat janë konfiskuar nga njësia doganore.