Digjen 7 kontejnerë në Prishtinë - “Pastrimi” apelon për kujdes

Shtatë kontejnerë janë djegur mbrëmjen e së enjtes në dy rrugë të Prishtinës, “Sylejman Vokshi” dhe “Avalla”.

Kompania Rajonale e Mbeturinave “Pastrimi”, përmes një njoftimi në Facebook, ka apeluar te qytetarët që të mos hedhin mbeturina të ndezura dhe të mos i djegin kontejnerët.

Sipas kompanisë, djegia e mbeturinave ndot ajrin dhe ambientin, ndërsa paraqet rrezik edhe për shëndetin e qytetarëve.

“Pastrimi” ka rikujtuar se personat që shkaktojnë dëme të tilla mund të gjobiten edhe nga shteti.