Në rrugën “Muharrem Fejza” në Prishtinë policia zhvilloi një aksion për kapjen e një personi për disa vepra penale, shkruan Demos.
Në vendin e ngjarjes përveç policisë ishte edhe ambulanca.
Rastin e konfirmuan edhe nga Policia e Kosovës ku zëdhënësi Enis Pllana tha:
Arrestohet një person i dënuar për posedim të paautorizuar të narkotikëve
Prishtinë, 30 Tetor 2025 – Drejtoria e Policisë së Kryeqytetit po vazhdon ndërmarrjen e veprimeve policore me qëllim kapjen e personave të dyshuar dhe atyre të dënuar si autor të veprave penale. Në kontekstin e kësaj, sonte nga veprimet e marra nga njësitë e stacionit policor Veriu në Prishtinë, është arritur arrestimi i personit të kërkuar: ·T.B, mashkull, 28 vjeç, shtetas i Republikës së Kosovës, i dënuar me 2 vite e 2 muaj burgim për veprën penale “Blerje, posedim dhe shitje e paautorizuar e narkotikëve”, si dhe në kërkim si i dyshuar për “Dhunë në familje” Po ashtu, gjatë operacionit të dyshuarit i është gjetur edhe një sasi e dyshuar e substancave narkotike. I njëjti pas arrestimit nga ana e policisë është dërguar në vuajtje të dënimit.
PAMJE nga aksioni:
