Dërgohet në Polici kryetari i Mitrovicës së Veriut, kjo është arsyeja

Para pak çastesh, janë shoqëruar në stacionin policor kryetari i Mitrovicës së Veriut, Milan Radojeviq, dhe kryesuesi i Kuvendit Komunal, Ivan Zaporoshac.

Lajmin e ka konfirmuar zëvendësdrejtori i Policisë për rajonin e Veriut, Veton Elshani.

Ngjarja ka ndodhur pasi Inspektorati Komunal i Mitrovicës së Veriut ka shkuar sot rreth orës 10:00 në vendin ku ndodhet tabela “E dua Mitrovicën”, me qëllim heqjen e saj.

Më pas, Radojeviq dhe Zaporoshac janë shoqëruar në polici në kuadër të këtij rasti, i cili lidhet me dyshime për vandalizëm.

Ndërkohë, anëtarë të Listës Serbe janë mbledhur para stacionit policor në Severna Mitrovica, ku janë dërguar të dy zyrtarët.