Dehari: Më mirë një marrëveshje sesa 57 seanca pa rezultat

Kryesuesi i Kuvendit të Kosovës dhe deputeti më i vjetër në këtë legjislaturë, Avni Dehari, ka bërë thirrje për arritjen e një marrëveshjeje për tejkalimin e bllokadës në Kuvend.

Dehari ka deklaruar para mediave se thirrja e vazhdueshme e seancave nuk ka kuptim nëse ato nuk prodhojnë rezultate për shkak të bllokadës.

“Ma mirë është me pasë marrëveshje, të zgjidhet problemi, sesa të mbahen 57 seanca pa prodhu kurgjo. Çfarë kuptimi do të kishte po të thirrej seanca, nëse vazhdimisht po ka bllokadë”, ka thënë Dehari.