Daut Haradinaj i ka uruar sukses kryetarit të Gjakovës, Ardian Gjini, i cili është edhe prijës i listës së AAK-së dhe kandidat për kryeministër
Haradinaj tha se Gjini përfaqëson vizionin, përgjegjësinë dhe seriozitetin që i nevojitet Kosovës në këtë periudhë, duke theksuar se vendi ka nevojë për lidership të qëndrueshëm dhe zhvillimor.
Postimi i plotë:Suksese Kryetar Ardian Gjini. Si prijës i listës sonë dhe kandidat për Kryeministër, përfaqëson vizionin, përgjegjësinë dhe seriozitetin që i duhet Republikës së Kosovës në këtë moment të rëndësishëm politik. Jam i bindur se me përvojën, maturinë dhe përkushtimin tënd, do të udhëheqësh me dinjitet në shërbim të qytetarëve dhe të ardhmes euroatlantike të vendit.Kosova ka nevojë për lidership të qëndrueshëm, bashkues e zhvillimor. Besoj se ti je njeriu i duhur për këtë përgjegjësi.
Të priftë e mbara, Ardian!
