Një person ka kërcënuar me pushkatim në Kuvendin e Kosovës ish-kryeministrin Ramush Haradinaj.
I njëjti është arrestuar dhe është dërguar në paraburgim për 30 ditë.
E për këto kërcënime foli Daut Haradinaj në Klan Kosova, i cili tha se askush nuk frikësohet nga këto kërcënime.
“Unë flas politikisht me kryeministrin, ai del një trullan prej banhofave e më shan mua, po ti çka ki, o njeri? Unë për ty s’jam duke folur. Ti merru me familjen tënde, me jetën tane, me të ardhmen tane, edukoji fëmijët tuaj, shijoje lirinë, shijoji institucionet, shijoje infrastrukturën, hajde me neve… Çka ki që po i jep ti kaq zor që duhet me thanë duhet me i mbytë, duhet me i vra… Me kanë asi që vret ti, këtu u kanë vakti, pse nuk erdhe me e kry detyrën…”
“Mezi i mbajke dhëmbët në gojë e donte me mbyt aty. Leni këto hajgare, ma mirë është ata me e kuptu se leni këto sene, nuk o mjet presioni, nuk po bëheni heronj, veç po dokni qesharak. As nuk e tutni askënd me atë gjuhë”, tha Haradinaj.
