Deputeti Daut Haradinaj ka kujtuar Agron Haradinajn në 3-vjetorin e ndarjes nga jeta, duke thënë se ai la gjurmë të pashlyeshme në familje, shoqëri dhe në çështjen kombëtare, shkruan GazetaDemos.
Haradinaj tha se Agroni përfaqësonte frymën e sakrificës dhe përgjegjësisë ndaj kombit.
“Agroni do të kujtohet për përkushtimin e tij, për qëndrimin dinjitoz dhe për besimin e palëkundur në vlerat e lirisë, unitetit dhe atdhedashurisë. Ai përfaqësonte frymën e sakrificës dhe përgjegjësisë ndaj kombit, duke dëshmuar se shërbimi ndaj vendit është nder dhe detyrë”, u shpreh Daut Haradinaj.
Postimi i plotë:
Sot, me respekt kujtojmë jetën dhe veprën e Agronit, një njeri që la gjurmë të pashlyeshme në familje, shoqëri dhe në çështjen kombëtare.
Agroni do të kujtohet për përkushtimin e tij, për qëndrimin dinjitoz dhe për besimin e palëkundur në vlerat e lirisë, unitetit dhe atdhedashurisë. Ai përfaqësonte frymën e sakrificës dhe përgjegjësisë ndaj kombit, duke dëshmuar se shërbimi ndaj vendit është nder dhe detyrë.
Vepra dhe shembulli i tij mbeten trashëgimi morale për brezat që vijnë. Kujtimi për të na obligon të ruajmë unitetin, të forcojmë vlerat kombëtare dhe të ecim përpara me dinjitet, ashtu siç ai do të dëshironte.
Me mirënjohje dhe krenari të përhershme.
