Daut Demaku ka njoftuar se ka kaluar një ndërhyrje mjekësore dhe aktualisht ndodhet në fazën e rehabilitimit.
Përmes një njoftimi të publikuar me kërkesën e tij, përmes familjarëve, Demaku ka bërë të ditur se rikuperimi po merr më shumë kohë sesa ishte parashikuar fillimisht nga mjekët.
Për këtë arsye, ai ka vendosur të vazhdojë pauzën dhe të qëndrojë përkohësisht larg komunikimit dhe aktiviteteve të zakonshme, duke bërë të ditur se nuk do të jetë në gjendje t’u përgjigjet telefonatave dhe mesazheve.
Postimi i plotë i Demakut:
Të dashurit e mi,
Ky njoftim po publikohet me kërkesën time, përmes familjarëve, pasi së fundmi kam kaluar një ndërhyrje mjekësore dhe aktualisht jam në fazën e rehabilitimit.
Shërimi dhe rikuperimi po marrin më shumë kohë sesa ishte parashikuar fillimisht nga mjekët. Për këtë arsye, gjatë gjithë kësaj periudhe nuk kam qenë i qasshëm dhe do të vazhdoj të jem përkohësisht larg komunikimit dhe aktivitetit të zakonshëm.
Kam vendosur të vazhdoj pauzën dhe të përqendrohem te rehabilitimi. Për momentin nuk do të mund t’u përgjigjem as telefonatave dhe as mesazheve.
Ju falënderoj për mirëkuptimin, durimin dhe kujdesin tuaj. Shpresoj që me përmirësimin e gjendjes, të mund t’i kthehem rutinës dhe aktivitetit tim.
Deri atëherë, ju uroj shëndet dhe ju them: kujdesuni për veten, sepse shëndeti është mbi gjithçka!
Me shumë përzemërsi!
D.D
