Dardan Krasniqi: Ramush Haradinaj është njeriu i duhur për president të Kosovës

Dardan Krasniqi nga AAK ka vlerësuar se Ramush Haradinaj është figura më meritore për president të Kosovës.

Krasniqi ka vlerësuar lartë kontributin e tij në pavarësi dhe shtetndërtim.

I njëjti gjithashtu theksoi se Haradinaj ka peshë në qendrat vendimmarrëse të sigurisë euro-atlantike, teksa tha se përfaqëson lidershipin adekuat për këtë pozitë.

“Presidentin e ka Kosova! Kosova e ka njeriun e saj të dëshmuar në luftë dhe në paqe, një zë të respektuar në qendrat vendimmarrëse të sigurisë euro-atlantike. Me përvojën e tij në ndërtimin e institucioneve, në proceset që çuan drejt pavarësisë së Kosovës dhe në krijimin e Ushtrisë së Kosovës, ai mbetet një nga figurat më të njohura të shtetit tonë në arenën ndërkombëtare. Në kohë sfidash për sigurinë, Kosova ka nevojë për lidership të dëshmuar, vizion dhe partneritet të fortë me NATO-n dhe aleatët tanë strategjikë”, tha ai.