Danimarka tashmë ka marrë timonin e presidencës së Këshillit të Bashkimit Evropian.
Për Kosovën, presidenca daneze synon të gjejë rrugë përpara që do të kontribuojnë në integrimin më të afërt të vendit me Bashkimin Evropian, thuhet në një përgjigje të Zyrës së Përfaqësuesit të Përhershëm të Danimarkës në BE, dhënë për Info Magazine të Klan Kosova.
”Presidenca daneze e Bashkimit Evropian do të punojë nga afër me Komisionin dhe shtetet anëtare për ta avancuar procesin e zgjerimit bazuar në merita dhe do të mbështesë reformat e nevojshme dhe hapat politik në vendet aspiruese.
Për rastin e Kosovës, presidenca daneze do të punojë për të gjetur rrugë përpara, të cilat mund t’i kontribuojnë integrimit më të afërt të Kosovës me Bashkimin Evropian”.
