Caktohen çmimet maksimale të derivateve për sot në Kosovë

Ministria e Industrisë, Ndërmarrësisë, Tregtisë dhe Inovacionit (MINTI) ka publikuar çmimet maksimale të lejuara për derivatet e naftës që vlejnë për ditën e sotme.

Sipas njoftimit, çmimi maksimal i naftës është kufizuar në 1.76 euro për litër, ndërsa për benzinën është caktuar çmimi 1.49 euro për litër.

MINTI po ashtu ka kufizuar edhe çmimet e gazit për 0.60 euro për litër.

Këto çmime do të hyjnë në fuqi nga ora 10:00.

Krahasuar me një ditë më parë, nafta ka mbetur me çmim të njëjtë, benzina është liruar për një cent dhe po ashtu gazi ka mbetur me çmimin e njëjtë.

MINTI ka njoftuar se ka vendosur të vazhdojë edhe për 30 ditë rregullimin e përkohshëm të çmimeve maksimale të produkteve të naftës, me qëllim të mbrojtjes së konsumatorëve dhe garantimit të çmimeve të arsyeshme në treg.