Deputeti i Aleancës, Burim Ramadani ka kritikuar Qeverinë dhe Lëvizjen Vetëvendosje, duke akuzuar pushtetin se Kosova ka shpenzuar rreth 1 miliard euro për blerje të energjisë elektrike.
Ai ka ngritur dyshime për përfitime nga importi i energjisë, ndërsa ka kritikuar edhe bllokimin e institucioneve, duke thënë se qytetarët po paguajnë çmimin e krizës politike.
Postimi:
Nga terri energjetik në terr politik!
Me Vetëvendosjen nga terri energjetik, Kosova ka blerë rreth 1 miliard euro rrymë. Fort ka përfitu dikush, pra mafia energjetike.
Punëtorët po paguajnë me jetë! Askush nuk jep përgjegjësi!
Por, kjo nuk po mjafton për këta politikanë dëmtues.
