“Bregu i Diellit do të vazhdojë të transformohet”, Përparim Rama: Mësim tërëditor, lirim të hapësirave publike e ndriçim

Kryetari i Prishtinës, Përparim Rama, ka premtuar vazhdim të investimeve në lagjen Bregu i Diellit.

Rama ka bërë të ditur se ndriçimi po instalohet në të gjitha zonat.

“Në Bregun e Diellit në instalim e sipër ndriçimi në të gjitha zonat, pastrimi i hapësirave të gjelbra, lirimi i hapësirave publike. Kemi pjesët e mrekullueshme për çiklist”, tha Rama.

Ai premtoi renovim të ashensorëve, investim në shkollën Ismail Qemali e mësim tërëditor.

“Ndërtesat e kuqe i kanë liftat ekzistues që do të renovohen, ku ka nevojë për lifta të ri do t’i bëjmë. Shkollën Ismail Qemali do ta transformojmë në super moderne me investim 2.4 milionë, dhe mësim tërëditor”, tha Rama.