Boksieri shqiptar, Astrit Sejdi thuhet se ka rrahur në mes të Cyrihut, Zvicër, djalin e kriminelit serb Arkan-it.
Sipas asaj që raportohet nga ish-deputeti i Partisë Demokratike të Shqipërisë, Azgan Haklaj, Sejdi “është shkëmbyer me djalin e Arkan-it dhe kur ka parë në bluzën e tij portretin e Arkan-it dhe të Putin-it nuk ka duruar dot”.
“Boksieri i talentuar menjëherë e ka marrë para si buldozer”, vijon Haklaj.
Policia zvicerane bëri shoqërimin e Sejdit, të cilin e liroi disa orë më pas.
Por, kush ishte Arkan-i?
Zeljko Raznatovic, i njohur si Arkan, ishte një komandant lufte dhe kreu i forcës paraushtarake serbe gjatë luftërave në ish-Jugosllavi.
Garda Vullnetare Serbe, e njohur edhe si “Tigrat e Arkanit”, u organizua si një forcë paramilitare elitare që mbështeste ushtritë serbe.
Nën komandën e Arkan-it, ajo masakroi qindra njerëz në Kroacinë lindore dhe Bosnjë-Hercegovinë. Ajo u përfshi gjithashtu në plaçkitje, përdhunime dhe spastrime etnike.
Arkan-i ishte në listën e 10 personave më të kërkuar të Interpol-it në vitet 1970 dhe 1980 për grabitje dhe vrasje të kryera në vende të ndryshme të Evropës.
Deri në vrasjen e tij në janar 2000, Raznatovic ishte figura më e fuqishme e krimit të organizuar në Ballkan, si dhe gangsteri më i fuqishëm i sponsorizuar nga shteti në Serbi.
