Biznesmeni nga Skivjani reagon për impiantin e ujërave të zeza: S’mund të qëndrojmë në oborr, era deperton edhe brenda shtëpive

“Si pasojë, të gjitha mbeturinat derdhen në lumin Krena. Në këtë periudhë, lumi është pothuajse pa ujë, dhe kjo ka sjellë një erë shumë të rëndë, duke e bërë jetesën të padurueshme. Nuk mund të qëndrojmë në oborret dhe bahçet tona, ndërsa era depërton edhe brenda shtëpive”, ka theksuar ai mes tjerash në reagim.

Thirrje për ndihmë dhe reagim publik

Impianti i ujërave të zeza në Skivjan, Komuna e Gjakovës, është jashtë funksioni prej kohësh, edhe pse për të janë dhënë shumë para dhe donacione.

Besojmë se nga moskujdesi dhe keqmenaxhimi, ai tashmë nuk punon fare.

Si pasojë, të gjitha mbeturinat derdhen në lumin Krena. Në këtë periudhë, lumi është pothuajse pa ujë, dhe kjo ka sjellë një erë shumë të rëndë, duke e bërë jetesën të padurueshme.

Nuk mund të qëndrojmë në oborret dhe bahçet tona, ndërsa era depërton edhe brenda shtëpive.

Kërkojmë nga portalet, mediat dhe institucionet përgjegjëse të reagojnë menjëherë dhe të ndihmojnë në zgjidhjen e këtij problemi, i cili po dëmton rëndë jetën e banorëve të Skivjanit dhe zonave përreth.

Ky nuk është vetëm problem i një fshati — është çështje shëndeti publik dhe dinjiteti njerëzor.

Ju lutem shpërndajeni këtë thirrje!