Besnik Osmani viziton disa biznese të Fushë Kosovës: Pa ekonomi të fortë, nuk ka komunë të zhvilluar

Kandidati i LDK-së për kryetar të Fushë Kosovës, Besnik Osmani po vazhdon takimet në kuadër të fushatës zgjedhore, ku po merr përkrahje nga banorët e kësaj komune.

Ai sot vizitoi disa biznese, teksa theksoi rolin e ekonomisë për komuna.

“Derë më derë me bizneset tona që punojnë me përkushtim e përgjegjësi çdo ditë.

Në Fushë Kosovë gjeni gjithçka – nga pajisjet sportive nga e gjithë bota, deri te shërbimet profesionale të dekorit dhe pastërtisë që po e bëjnë tregun tonë lokal gjithnjë e më konkurrues.

Pa ekonomi të fortë, nuk ka komunë të zhvilluar!”, tha ai.