Besnik Krasniqi: Pa energji s’ka zhvillim, Kosovës i duhet gazi amerikan dhe kapacitete të reja gjeneruese

Kandidati i AAK-së për deputet në Kuvend, Besnik Krasniqi i cili mban numrin 23 në listë, ka theksuar rëndësinë e energjisë elektrike në vend si jetike për zhvillimin ekonomik të vendit.

Krasniqi ka vënë në dukje se pa furnizim të qëndrueshëm me energji nuk mund të ketë industri funksionale, vende të reja pune dhe as mirëqenie për qytetarët.

“S’kemi kohë për eksperimente. Energjia është jetë. Kosovës i duhet zhvillim real, jo improvizim. I duhet gazi amerikan, i duhen kapacitete të reja gjeneruese, sepse pa energji nuk ka industri, nuk ka vende pune, nuk ka mirëqenie”, tha ai.

Sipas tij, vendimet e guximshme duhet të merren sot, në mënyrë që vendi të mos përballet nesër me koston e vonesave.

“Kosova duhet të mendojë si shtet serioz: burime të sigurta, partnerë të besueshëm dhe vendime të guximshme sot, që nesër të mos paguajmë çmimin e vonesave. E thënë troç: pa rrymë s’ka zhvillim. Pikë”, tha ai.