Besnik Berisha e “shfrenon fantazinë”: Policët as s’i kanë kontribuar e as s’e kanë shkaktuar vdekjen e Agon Zejnullahut

Pesë policët po dyshohen se kanë kryer veprën penale “vrasje nga pakujdesia”.

Seanca gjyqësore ka përfunduar.

E për këtë, avokati, Besnik Berisha ka deklaruar se policia nuk duhet të përbaldozet e as të sulmohet edhe nëse kanë gabuar.

Ai tutje ka thënë se nuk duhet të nxitoj askush të gjykojë policët, derisa të zbardhen detajet e tjera nga mjekësia.

“Nuk synohet në vend aty që t’i jepet frymarrje, nuk prodhohen mendikamente që i ka protokolli i mjekësisë, prandaj nxitoi ajo zonja që t’i fajësoi policinë para se të flasë mjekësia. Veprimet të cilat dyshohen se janë shkaktuar nga substancat për të cilat duhen që dikush të flas dhe nuk jemi ne si avokat as policia, e as analistat. Nuk është kjo drejtësi, nuk duhet të përbaldozet kjo polici nuk e meriton të sulmohet edhe nëse kanë gabuar 1,2,3 ose 5 veta”, ka deklaruar Berisha.

“Për një rast që unë besoj fuqishëm që as nuk e kanë shkaktuar zyrtarët policor, policia sot po sulomohet padrejtësisht përderisa mjekësia nuk ka folur mëtutje dhe nuk dihet as shkaku i vdekjes e as kontributi i shkakut të vdekjes e aq më pak nuk dihet se kush ishin substancat të cilat ishin në organizmin e tani të ndjerit. Por zyrtarët policor nuk janë as fajtorë”

E Policia e Kosovës për këtë rast ka thënë se i ndjeri, Agon Zejnullahu, dyshohet se në mbrëmjen e 7 korrikut ka qenë nën ndikimin e alkoolit dhe i tillë ka sulmuar automjete e kalimtarë, derisa është ndaluar nga autoritetet e rendit.

Nga pamjet e publikuara në media, 27-vjeçari duket me duar të lidhura dhe në gjunjë, ndërsa më pas bartet me auto-ambulancë.

Familja ka deklaruar se është e zhgënjyer me mungesën e deritashme të transparencës nga autoritetet e vendit.